Gazeta e njohur amerikane National Interest ka ngritur shqetësimin në një analizë të gjatë se qasja e Bashkiimit Europian ndaj Ballkanit nuk ka qenë pozitive vitet e fundit, duke thënë se unioni mund të heqë dorë në të ardhmen nga anëtarësimi i tij. Në vitin 2019 Emmanuel Macron deklaroi se “BE bëri një gabim kolektiv kur e shpalli anëtarësimin në bllok si marrëdhënien tonë të vetme me Ballkanin Perëndimor”. Menjëherë pas këtij qëndrimi, BE doli me nismën e Francës me një metodologji të rishikuar të zgjerimit për vendet që kërkojnë të anëtarësohen, duke përfshirë mundësinë që nëse nuk ndërmerren reformat e kërkuara, atëherë kandidatët nuk do të përparojnë dot kurrë përtej një pragu të caktuar, duke mos u bërë kështu anëtarë të plotë të BE-së, shkruan gazeta. Vendet e Ballkanit do të bëheshin pjesë e asaj që mund të konsiderohet si vizioni strategjik i ri i BE-së:në vend se të bëhen vende anëtare, ato do të jenë një grup shtetesh të asociuara me BE-në. Për të parafrazuar Ëinston Churchill, që shprehej në mënyrë të ngjashme sa i përket marrëdhëniet të Britanisë së Madhe me Evropën:këto shtete janë “me Evropën, por jo me të”. Pra ato do të përfitojnë nga avantazhet themelore të të qenit në bllok, por nuk do të kishin qasje në një pjesë më të madhe të përfitimeve që gëzojnë “anëtarët më të vjetër” të BE-së. Por jo gjithçka është e zymtë për shtetet me këtë status. Përkundrazi,shtetet e asociuara mund të gëzojnë ende një sasi të vogël stabiliteti që buron nga kjo lidhje me bllokun.