Presidentja e komisionit europian, Ursula von der Leyen e nisi turin e gjashte ballkanik nga Tirana, nga ku njoftoi nje rishikim te politikes se zgjerimit te Bashkimit Europian. Politike, me te cilen kryeministri Edi Rama bie totalisht dakord. “Edhe BE-ja duhet të jetë gati të mirëpresë anëtarët e rinj. Javën e ardhshme do të paraqesim rishikimin e politikës sonë të zgjerimit. Do të shohim politikat tona, buxhetin tonë, për t’u siguruar që BE-ja është gati për t’u zgjeruar dhe për të mirëpritur anëtarët e rinj. Do te përcaktojmë udhërrëfyes për vendet kandidate që kanë bërë përparimin më të madh. Shqipëria është një ndër to. Ne do të sqarojmë se çfarë mbetet për t’u bërë dhe deri në çfarë date. “Mbroj bindjen se e drejta e vetos nuk është e drejtë që i bën mirë BE-së, nuk është e drejtë që i bën mirë vendeve anëtare dhe mbi të gjitha, meqë e quani të drejtë që ne po e dorëzojmë, po ju kujtoj që Shqipëria ka qenë viktimë e ushtrimit të asaj të drejte, një mekanizmi i cili në kohët e sotme është i tejkaluar për mua. Ne si Shqipëri nuk na duhet vetoja për të bërë të fortin në tryezën e BE. Ajo që këtu mund të shikohet si regres nga BE shikohet si progress, jetojmë në një epokë transformimi, ne jemi më shumë se asnjëherë më parë në rrugën e duhur”