Presidenti i Këshillit Evropian, Charles Michel, ka premtuar rritjen e ndihmës ushtarake për Moldavinë, teksa në rajonin separatist të mbështetur nga Moska, Transdniester, janë raportuar disa incidente që çuan në akuzat ndaj Rusisë se po dëshiron që ta destabilizojë këtë shtet ish-sovjetik dhe ta përfshijë në luftën e saj kundër Ukrainës. “Këtë vit planifikojmë të rrisim ndjeshëm mbështetjen tonë për Moldavinë, duke i ofruar forcave të saj të armatosura pajisje shtesë ushtarake” Në një konferencë të përbashkët për shtyp, me presidenten Moldave, Maia Sandu, Michel nuk dha më shumë detaje por premtoi se BE do ta mbështeste vendin edhe kundër sulmeve kibernetike dhe dezinformatave, duke shtuar se shmangia e përshkallëzimit të tensioneve në Transdniester është e një rëndësie të veçantë. BE është në solidaritet të plotë me Moldavinë. Është detyrimi ynë si evropian të ndihmojmë dhe mbështesim vendin tuaj dhe të rrisim mbështetjen për stabilitetin, sigurinë, integritetin territorial dhe sovranitetin tuaj.