Një shqiptar është arrestuar në zonën e Savonës në Itali, pasi kishte shndërruar banesën e tij në një qendër për shpërndarjen e kokainës. Në shtëpinë e shqiptarit janë sekuestruar mbi 200 gramë kokainë dhe 22 mijë euro, para të cilat dyshohet se kanë ardhur si rezultat i shitjes së drogës. Autoritetet italiane ishin njoftuar për lëvizje të dyshimta pranë banesës së tij, pasi ishte raportuar se një burrë takohej shpesh me njerëz të ndryshëm përgjatë ditës. Gjatë kontrollit që Policia italiane kreu në banesën e shqiptarit, u gjetën po ashtu çelësat e një tjetër shtëpie në qendër të Savonës. Në kontrollin e dytë në banesën tjetër u sekuestruan rreth 500 gramë kokainë dhe disa celularë që dyshohet se përdoreshin për këtë veprimtari kriminale. Per te zbardhur te githe anetaret e mundshem te grupit kriminal, Policia Italiane ka nisur hetim mbi rrjetin e trafikimit.