Tensionet elektorale duket se kanë nisur pa filluar mirë fushata zgjedhore. Një përplasje e paprecedentë ka ndodhur të enjtën në mesditë në zyrat e partisë Fryma e Re Demokratike e drejtuar deri pak kohë më parë nga ish presidenti Bamir Topi. Bashkia e Tiranës i është drejtuar përmes një shkrese për lirimin e zyrave, që Sekretari i Përgjithshëm i këaj partie Sali Shehu, që edhe edhe kryetari de fakto pas dorëheqjes së Topit, e ka konsideruar një perpjekje të neveritshme të këtij institucioni. Ai tha për mediat se kanë përgatitur edhe një kallëzim penal për Bashkinë e Tiranës, duke deklaruar se do të qëndronte në zyrë dhe po të donte policia ta arrestonte. Por menjëherë pas deklarateve të Shehut është shfaqur në selinë e FRD-së presidenti i vendit Ilir Meta, i cili ka hyrë me forcë brenda. Aty ai thuajse është kacafytur me policët bashkiakë të pranishëm duke u kërkuar të largohen dhe se përndryshe do t’i contë në burg më duart e tij. Ai u bëri thirrje policëve bashkiakë të respekojnë ligjin ose do të përfundojnë si policët e presidentit egjiptian Mubarak. Pas daljes nga zyrat e FRD-së kreu i shtetit e konsideroi udhrin e bashkisë për lirimin e zyrave nga ana e FRD-së një përpjekje të hapur për grusht shteti kundrejt një partie opozitare. Sipas tij qëndrimi i bashkisë ndaj FRD-së vjen pas nënshkrimit të marrëveshjes parazgjedhore të kësaj partie me PD, dukë nënvizuar se shkresa që ka mbërritur nuk ka as vulë dhe as firmë.