Kompania e nxjerrjes së naftës në Patoz-Marinëz, Bankers Petrolium zotohet të paguajë detyrimet ndaj shtetit shqiptar, pas gjyqit në Arbitrazhin Ndërkombëtar. Sipas kryeministrit Edi Rama, Kompania ka një detyrim prej 240 milionë eurosh. Facebook Bankers: “Ekipet tona ligjore janë plotësisht të përgatitura për të punuar së bashku me institucionet përkatëse shqiptare për të siguruar ekzekutimin gjithëpërfshirës të këtij vendimi, në përputhje me standardet ndërkombëtare për të mbrojtur investimet e huaja dhe për të siguruar zbatimin me sukses të një projekti kryesor energjetik në Evropën Kontinentale, që pasqyron interesat e përbashkëta kombëtare dhe strategjike të Shqipërisë.” Të dhënat tregojnë se që nga viti 2005 deri në 2025, kjo kompani eksportoi naftë bruto në vlerën e rreth 600 miliardë lekëve, por ka raportuar çdo vit humbje duke ngritur dyshime për fryrje fiktive kostosh, për të shmangur tatim fitimin. Në reagim, kompania jo vetëm thotë se po i ndjek me vëmëndje hetimet, por shfaqet e gatshme të angazhohet për vizionin e qeverisë për Shqipërinë 2030.