Përvec Dubait i cili tashmë dihet që është kthyer në destinacionin kryesorë ku trafikantë dhe të pothuajse të gjithë njerëzit e tjerë të cilët kanë problem me drejtësinë fshihen atje, edhe Karaibet janë kthyer ne një destinacion të dytë ku persona të përfshirë në organizata kriminale fshihen atje. Në një hetim të kryer nga Interpoli u zbuluan pesë organizata kriminale të cilët drejtohen nga gjeorgjanë, lituanezë, ukrainas, kroatë, polakë, serbë, hungarezë por edhe nga shqiptarë. Interpoli bëri me dije se këto grupe meren me kontrabandë të lëndës narkotike, kontrabandë armësh, si dhe vjedhin makina për ti dërguar më pas në Spanjë, Itali dhe Portugali, përmes porteve të ndryshme. Interpoli, ashtu si DEA, siguroi se këto grupe kriminale kërkojnë të krijojnë një urë për trafikun e drogës, tregtinë e paligjshme të armëve, pastrimin e parave dhe trafikimin e qenieve njerëzore drejt Shteteve të Bashkuara si dhe të kontrollojnë prostitucionin. Në vitin 2020, përmes një raporti, DEA tha se Quintana Roo u bë një “pikë transferimi” për drogën, destinacioni përfundimtar i së cilës është tregu i SHBA. Gjithashtu ky rapot theksoi se aktiviteti kriminal ishte regjistruar në Chetumal, megjithatë, ai është përhapur edhe në shtete të tjera të Gadishullit Jukatan, si Campeche, ku u bë e mundur verifikimi i lidhjeve që kanë bizneset e mëdha me kompanitë kolumbiane dhe njerëzit e Amerikës Qendrore.