Kryetari i grupit parlamentar të Partisë Socialiste, Taulant Balla ishte në një takim elektoral në qytetin e Fierit, ku kërkoi votat për konfirmimn e kryetarit aktual të bashkisë, Armando Subashi. Drejtuesi i qarkut të Fierit në PS, tha se alternativat e partisë në pushtet janë të vetmet të besueshme, teksa shtoi se projektet për transformimin dhe zhvillimin e qyteteve do të vijojnë me ritëm të lartë. Balla komentoi sërish pagesat ndaj Monika Kryemadhit, nga kompanitë ruse, duke premtuar se Partia Socialiste do t’i shkojë deri në fund kësaj çështjeje, për të kërkuar zbardhjen e plotë.