Një numër në rritje adhuruesish të maceve në Malajzi, po veshin kafshët e tyre shtëpiake me kostume tradicionale ndërsa vendi përgatitet për festën myslimane të Bajramit. Festivali shënon fundin e muajit të agjerimit, Ramazanit, me të devotshmit në vendin në azinë juglindore që veshin rroba të reja dhe festojnë me falje, muzikë dhe ushqim të mirë në tryeza. Të qepura me dorë, kostumet tradicionale etnike në përmasa maceje, stilohen nga një kompani që prodhon produkte për kafshët shtëpiake. Veshjet e festës për macet, janë komode aq sa nuk i bezdisin aspak kafshët me pellush, dhe zakonisht kanë një cmim që varion nga 1.20 deri në 18 dollarë. Kërkesa për veshjet e maceve është rritur që nga 2020-ta ndërsa pronarët e tyre janë ndaluar të udhëtojnë në distanca të largëta në mesin e disa izolimeve të vendosura nga autoritetet për të ndaluar përhapjen e virusit. Pjesë të vendit janë nën izolim të ashpër këtë muaj pasi infektimet janë rritur shumë. Ndërkohë që më shumë se gjysma e 33 milionë banorëve të Malajzisë janë myslimanë dhe po përgatiten tani për festën e bajramit. Vendi sidoqoftë mban edhe komunitete të mëdha etnike kineze dhe indiane.