Një pilot britanik ka humbur jetën pasi avioni doli jashtë kontrollit dhe u përplas egër në tokë në një aksident të frikshëm në spanjë. 26 vjecari besohet se ka humbur jetën menjëherë pasi ra në mënyrë tragjike në një fushë gjatë një fluturimi trajnues në Sevilje, në andaluzi. Avioni i lehtë, u përplas në tokë rreth orës 12.15 minuta, afër qytezës Pinzon. Britaniku, i vetëm në avion, mësohet se ka qenë një student në një nga shkollat e aviacionit me bazë në aeroport. Një dëshmitar okular që pa aksidentin tragjik e raportoi atë në shërbimet e emergjencave. Ekipet e mjekëve, policia dhe zjarrfikësit mbërritën në vendngjarje pasi u njoftuan. Imazhe filmike ndërkohë tregonin avionin që rrotullohej në mënyrë të rrezikshme, i dalë jashtë kontrollit, ndërsa binte në tokë. Avioni raportohet se kishte nisur të humbiste karburant dhe në momentin që u përplas në tokë shpërtheu edhe një zjarr, për shuarjen e të cilit u angazhuan skuadrat e emergjencës.