Avioni i posacëm i apokalipsit, i Vladimir Putinit, që e lejon atë të vazhdojë të udhëheqë rusinë edhe gjatë një lufte bërthamore, ëhstë parë të fluturojë rreth Moskës ditët e fundit. Videoja tregon Ilyushin Il-80 që fluturon në periferitë e qytetit në mesin e tensioneve se ai mund ti drejtohet armëve bërthamore gjatë konfliktit në Ukrainë. Por, zyrtarët rusë kanë insistuar se avioni do të shihet edhe në një fluturim në kuotë të ulët mbi Moskë, në paradën e ditës së fitores në sheshin e kuq, dhe është i përfshirë në provat e saj. Avioni gjigand i erës sovjetike, pa dritare, përvec atyre në kabinë dhe që njihet ndryshe si Kremlini Fluturues, nuk është parë në paradën e ditës së fitores, që shënon disfatën e hitlerit dhe fundin e luftës së dytë botërore, që nga viti 2010. Rishfaqja e tij është një shenjë që tregon se Putin do të dërgojë një mesazh paralajmërues perëndimit. Avioni Il-80 Maxdome do të shoqërohet nga dy avionë MiG-29 ndërsa do të fluturojnë ulët mbi katedralen e Shën Bazilit. Duke nënvizuar gatishmërinë bërthamore të Rusisë, edhe mbajtësit strategjikë të raketave, Tu-95MS dhe Tu-160 Ëhite Sëan, do të jenë pjesë e spektaklit. Po ashtu do të shihet edhe një gjeneratë e pestë e avionëve luftarakë Su-57 dhe Tu-22M3, bombardues me rreze të gjatë veprimi. Ministria ruse e mbrojtjes konfirmoi edhe se tetë avionë MiG-29SMT do të fluturojnë në formën e shkronjës Z, në mbështetje të trupave ruse që po marrin pjesë në luftën në Ukrainë.