Dy avionë ushtarakë francezë dhe një avion furnizimi janë gjurmuar të enjten nga dy avionë rusë në hapësirë ajrore ndërkombëtare mbi Detin e Zi, ndërveprimi i dytë i këtij lloji këtë javë – tha ushtria franceze të enjten. Një avion rus shoqëroi dy avionë francezë të mërkurën, e sipas moskës, kjo kishte si qëllim pengimin e avionëve francezë që të hynin në hapëisrën ajrore ruse. Këto lloj ndërveprimesh në fakt nuk janë të pazakonta me incidente të ngjashme që kanë ndodhur edhe më herët, por ato vijnë tani në mesin e tensioneve mes perëndimit dhe rusisë në Rajon. Avionët francezë ishin në një mision vëzhgues të NATO-s në pajtim me rregulloret ndërkombëtare, tha zëdhënësi i forcave të armatosura franceze për agjencinë e lajmeve Reuters. “Dy avionët francezë pikasën dy avionë rusë që iu afruan por që nuk cënuan ecurinë e misionit”, tha zëdhënësi duke shtuar se ky ishte një lloj komunikimi strategjik i Moskës për të treguar se avionët e saj ishin aty.