Në orët e para të mëngjesit dy avionë grekë dhe një helikopter të Forcave të Armatosura i janë shtuar ekipeve zjarrfikëse të cilat kanë punuar gjatë gjithë natës për të mbajtur në kontroll vatrën e zjarrit në Dropull. Sinkron Drejtori i Gatishmërisë dhe Përgjegjës i Emergjencave në AKMC, Robert Hysenllari Duke marrë në vlerësim situatën e krijuar në bashkinë Dropull është aktivizuar sistemi i Mekanizmit të Mbrojtjes Civile të Bashkimit Evropian (ERCC), nga ku Greqia ka ofruar asistencë ndërkombëtare me 2 avionë për ndërhyrje nga ajri. Me ndërhyrjen nga ajri dhe toka përgjatë gjithë ditës së djeshme edhe deri sot është bërë e mundur mbajtja jashtë rrezikut e banesave dhe banorëve. Sot në orët e para të mëngjesit ka filluar ndërhyrja nga ajri me helikopterin e Ministrisë Mbrojtjes dhe dy avionëve të Qeverisë Greke. Vijojnë që të jenë aktive edhe 3 vatra të tjera, në fshatin Bogë, në Malësinë e Madhe dhe në fshatin Rehovë, bashkia Poliçan.