Për ti ardhur në ndihmë individëve, institucioneve apo kompanive të ndryshme, është krijuar një program i posacëm, “Autokorrektori i gjuhës shqipe”. Krijuesi i tij është pedagogu i finacës Leonard Boduri, i cili në emisionin e mëngjesit Wake Up tregoi se si funksionon ai. Programi përmban 75 mijë fjalë dhe mbi 10 milionë trajta të fjalëve të gjuhës shqipe dhe mundëson korrigjime të gabimeve drejtshkrimore dhe atyre gramatikore. Pedagogu shfaqi shqetësimin për anashkalimin e rregullave drejtshkrimore të shkronja të veçanta si “ë”-ja apo "ç"-ja, që sipas tij rrezikojnë që të shkojnë drejt zhdukjes në të shkruar, madje edhe në dokumente të rëndësishme. Dhe ky është një shqetësim i përgjithshëm për gjuhëtarët me të cilët ai ka punuar për krijimin e autokorrekktorit. Programi i prezantuar nga Boduri, funksionon online dhe një nga kategoritë që mund ta përdorin janë studentët, pedagogët, gazetarët etj.