Nga minuta e parë e atentatit ndaj Marion Mitros, që u plagos gjatë një atentati në Vlorë dhe deri në orët e pasdites Policia ka shoqëruar 8 persona, si autorë të dyshuar të atentatit të dështuar dhe që mbeti në tentativë. Atentati ndaj Mitros, sipas Policisë ka për motiv hakmarrjen e disa personave, që si provë të vetme kanë lënë makinën e djegur disa kilometra larg vendit ku u krye plagosja. Marion Mitro i dënuar si pjesëtar i bandës së tritolit të Julian Sinanajt është plagosur paraditen e kësaj të marte në Vlorë. Mitro është qëlluar me armë zjarri pranë biblotekës së qytetit, një zonë në qendër të Vlorës. Ai ka marrë një plumb në këmbë dhe ndodhet nën kujdesin e mjekëve në spitalin e qytetit, jashtë rrezikut për jetën.