Dy personat e arrestuar si autorë të atentatit të dështuar ndaj Elton kilës, njohur si Oti i Elbasanit kanë mohuar akuzat e ngritura ndaj tyre. Arben Spahiu, vëllai i Arjan Spahiut dhe kunat me Erjon Alibej kanë deklaruar gjatë marrjes në pyetje se nuk kanë asnjë lidhje me makinën tip BMË X6, brenda të cilës u sekuestruan 3 armë zjarri dhe dokumente greke të falsifikuara që u përkisnin të dyshuarve. Ata kanë deklaruar se e gjitha historia mund të jetë e inskenuar për të fajësuar ata. 53-vjeçari Arjan Spahiu u arrestua të hënën bashkë me mikun e tij Arsen Preçi 44 vjeç. Grupi hetimor dyshon se Preçi ka siguruar armët, ndërsa Spahiu do të kryente ekzekutimin me porosi të Erjon Alibej, që ndodhet i arrestuar.