Presidenti Ilir Meta ka reaguar në lidhje me shembjen e godinës së maternitetit “Mbretëresha Geraldinë’’. Nëpërmjet një postimi në Facebook, Meta këtë vendimit e ka përcaktuar si një tjetër atentat, në vijim të sulmeve barbare ndaj historisë dhe identitetit tonë kombëtar. Është një ndërhyrje brutale mbi godinën historike të maternitetit “Mbretëresha Geraldinë” dhe pa transparencë në periudhë pandemie, shkruan ndër të tjera, Meta. Shkatërrimi kriminal i Teatrit Kombëtar, rrafshimi i qindra objekteve me status special e monument kulture, si dhe “zhdukja” e Sahatit pas kullave, janë dëshmi e babëzisë dhe të një gjenocidi kulturor ndaj identitetit të Kryeqytetit tonë, në shkelje të Kushtetutës, ligjit për konsultimit publik dhe të gjitha parimeve për mbrojtjen e vlerave të trashëgimisë historike e kulturore, vijon kreun e shtetit, në reagimin e tij pas shkatërrimit të maternitetit. E në fund të komentit të tij presidneti I vendit ka shprehur solidaritetin me qëndrimin e Unionit të Arkitektëve, Urbanistëve dhe Planifikuesve të Shqipërisë për çështjen e ndërhyrjes mbi godinën e maternitetit ‘’Mbretëresha Geraldinë’’, duke shtuar premtin se të gjithë shqiptarët se pas 25 prillit në Shqipëri do të nisë epoka e referendumeve, për t’u dhënë të drejtën qytetarëve të vendosin vetë mbi të gjitha çështjet e rëndësishme me interes publik.