E gjendur përballë kritikash të shumta dhe faktit që një sërë shtetesh po tërheqin vaksinat e saj, kompania farmaceutike AstraZeneca u përpoq të garantonte publikun per produktin e vet. Ajo i mëshon idesë së provave shkencore dhe thotë se sigurinë e pacientit e ka prioritet kryesor. “Një rishikim i kujdesshëm i të gjitha të dhënave të disponueshme të sigurisë për më shumë se 17 milionë njerëz të vaksinuar në BE dhe Britani të Madhe me vaksinën kundër COVID-19 AstraZeneca nuk ka treguar prova të një rreziku në rritje të embolisë pulmonare, trombozës së venave apo trombocitopenisë, në të gjitha grupmoshat e përcaktuara, gjini, grup ose në ndonjë vend të veçantë”, thuhet në deklaratë. Aty theksohet se për transparencë sa më të madhe, raporti mujor i sigurisë do të bëhet publik në faqen e internetit të Agjencisë Europiane të Barnave në javën vijuese, në përputhje me masa të jashtëzakonshme të transparencës për COVID-19. Kompania nënvizoi idenë se në testet klinike, rastet e trombozva ishin më të ulëta në grupin e vaksinuar dhe shtoi se gjithashtu nuk ka pasur prova të shtimit të hemoragjive në mbi 60 mijë pjesëmarrës të regjistruar. Agjensia Italiane e Barnave ka dalë dhe ajo me një deklaratë në mbrojtje të vaksinës ku thote se rastet e vdekjeve të verifikuara pas administrimit të saj mund të kenë një lidhje vetëm të përkohshme dhe se nuk është dëshmuar që të ketë lidhje direkte mes vaksinës në fjalë dhe vdekjeve. Alarmi i lidhur me sigurisë e Astrazenecës, nuk është i justifikuar, shkruan ajo.