Ministria për Evropën dhe punët e jashtme ka publikuar protokollin që duhet të ndjekin të huajt, të ciëlt synojnë të hyjnë në territorin shqiptar. Në faqen zyrtare të këtij dikasteri, shkruhet e zeza mbi të bardhë se nuk ka asnjë kufizim hyrje, qoftë kjo një test Covid apo dokument i veçantë. Për të gjithë individët që hyjnë në Shqipëri në rrugë tokësore nuk do të aplikohet detyrimi i karantinimit 14 ditor përvec rasteve të veçanta me urdhër të autoriteteve shëndetësore. Gjithashtu në pikat kufitare nuk kërkohen dokumenta specifikë, për të hyrë në territorin shqiptar. Shtetasit që udhëtojnë në rrugë tokësore për në Shqipëri duhet të marrin informacion paraprak në Ambasadat e shteteve përmes të cilave do të kryejnë tranzit, për të qenë të qartë mbi rregullat e vendosura nga këto shtete në kuadër të pandemisë.