Banka e Shqipërisë përfundoi ciklin e emetimit të kartmonedhave të reja, me emertimin e prerjes 10.000 lekë. Ajo që bie në sy, mes prerjeve të kartmonedhave shqiptare, është se mungojnë figurat femërore. Duke filluar nga Ismail Qemali, Pjetër Bogdani, Naim Frashëri, Mbreti Gent, Asdreni apo Gjergj Kastriot Skënderbeu, asnjë prej kartmonedhave ekzistueve nuk mbart portrete femërore, megjithëse ndër vite Shqipëria ka pasur figura të shquara. Por, si bëhet përzgjedhja e figurave që stambohen në kartmonedhat shqiptare, dhe si prodhohet paraja në Shqipëri? Si fillim, arsyeja pse vendosen portrete në kartmonedha është sepse sipas Bankës së Shqipërisë publiku mund të dallojë më lehtësisht kartëmonedhat e falsifikuara, kur elementet e dizenjuara në to janë portrete.