Top News – Asgjesimi i grerëzës së gështenjave/ Nis zbatimi i projektit, hidhet insekti që e lufton

Përmes një procesi të certifikuar, këtë të dielë nisi hedhja e insektit që lufton grerëzën e zezë të gështenjave në Reç të Shkodrës. Përmes një postimi në rrjetet sociale kreu i qeverisë shkruan se permes kësaj metode sigurohet ruajtja dhe mirëmbajtja pa pasur nevojën e përdorimit të kimikateve duke garantuar cilësinë e këtij produkti shumë të kërkuar në tregun vendas dhe ndërkombëtar Ministrja e Bujqësisë Milva Ekonomi u shpreh se është angazhuar për ta çuar këtë praktikë deri në fund, ndërsa shtoi se hedhja e këtyer insketeve duhet të vijojë për një periudhë 5 deri në 7 vite. "Mbrojtësi biologjik është jo shumë e hapur. Është prodhuar në Amerikë dhe Japoni dhe vjen e shpërndahet në Europë. Beteja për ta siguruar nuk është shumë e lehtë, Shqipëria duhej të ishte përgatitur për këtë gjë. Unë jam angazhuar personalisht ta çoj këtë deri në fund, të gjitha rekomandimet ndërkombëtare thonë që ky mbrojtës duhet ët ketë një vazhdimësi në përhapje 5 deri në 7 vjet" Ky projekt nis në kuadër të mbështetjes së fermerëve shqiptarë për rritjen e produketeve të vendit jo vetëm për përdorim në Shqipëri por edhe për eksporte.