Një trajler i ngarkuar me një sasi të madhe gruri është përmbysur mesditën e së premtes pranë mbikalimit të Rinasit në kryeqytet, duke shkaktuar dëme të mëdha dhe trafik të rënduar për disa orë në autostradën tiranë-durrës. Mjeti i rëndë u përmbys në rrugë duke derdhur sasinë e madhe të grurit, ndërkohë që shkaqet e aksidentit janë ende të paqarta. Drejtuesi i trajlerit ka shpëtuar pa dëmtime të mëdha, ndërsa policia ka shkuar në vendngjarje për të lehtësuar qarkullimin pas trafikut të krijuar që arriti në disa kilometra. Dyshohet gruri me të cilin ishte ngarkuar trajleri, i përkiste anijes nga Ukraina që mbërriti dy ditë më parë në portin e Durrësit me një sasi 6000 tonësh.