Një nga më të shumëkërkuarit në itali, një trafikant droge që dyshohet se ka blerë në tregun e zi edhe dy piktura të Van Gogh-ut, është arrestuar në Dubai. Raffaele Imperiale, një mafioz i rangut të lartë në sindikatën e krimit të organizuar me bazë në Napoli, Camorra, u arrestua më 4 gusht, tha policia italiane. 46 vjecari Imperiale po mbahet në emiratet e bashkuara arabe ndërsa ministria italiane e drejtësisë do të plotësojë procedurat e ekstradimit. Që nga janari 2016, Imperiale është kërkuar nga italia për trafik ndërkombëtar droge, si pjesë e një aktiviteti të krimit të organizuar. Ai konsiderohej një nga më të rrezikshmit dhe më të shumëkërkuarit në Itali. Ai po ashtu kërkohej edhe për larje parash. Në 2016-ën, dy vepra të Van Gogh, të vjedhura në 2002 nga një muze në amsterdam, u gjetën të fshehura në një fermë, që ishte në pronësinë e Imperiales në zonën e napolit, qytezën e tij të lindjes, Castellamare di Stabia. Pasuria që ai kishte mbledhur në mënyrë të paligjshme e lejoi atë të blinte në tregun e zi dy vepra të van gogh-ut, me një vlerë të pacmueshme – tha policia. Bëhet fjalë për pamje nga deti në Scheveningen dhe një vepër tjetër të piktorit të madh, që ishin vjedhur nga një muze i van gogh në amsterdam. Policia italiane i gjeti pikturat të mbështjella në carcafë, të futura në një kuti dhe të fshehura pas murit në një tualet.