Top News-Arrestohet ish shefi i policisë së Dhërmiut/I dënuar me 8 vjet, pjesë e grupit të Habilajve

Ka përfunduar pas 4 muajsh arratia për Sokol Bode ish drejtorin e policisë në Dhërmi, i cili ishte shpallur në kërkim nën akuzën e trafikut të lëndëve narkotike Ish zyrtari i lartë i Policisë, i dënuar në muajin prill nga Gjykata Kundër Krimit dhe Korrupsionit, është arrestuar mbrëmjen e së enjtes në qytetin e Beratit, ku dyshohej se fshihej prej disa kohësh. Bode u kap nga foract e operacionales dhe është transferuar më pas në ambientet e drejtorisë së policisë, ku më pas do të dërgohet në burg për të vuajtur dënimin me 8 vite burg për trafikun e narkotikëve. Ish zyrtari i policisë në Dhermi u dënua nga Gjykata e Posacme me 12 vite burg, por për shkak të gjykimit të shkurtuar ai do të kryejë vetëm 8 vite.