Ishte shpallur prej muajsh në kërkim si njëri prej autorëve të dyshuar të ekzekutimit të Ridvan Ramazanit apo Hysenit, e tani, 34 vjecari Hydajet Mehmedaj, banues në fshatin Mushan, ka rënë në prangat e policisë. Në drejtim të Ramazanit u lëshuan 30 plumba automatiku, që nuk i lanë atij asnjë mundësi shpëtimi. Brenda makinës tip “BMW X5” të viktimës u gjetën atëherë edhe një gëzhojë pistolete dhe një radio policie dhe pikërisht prania e kësaj të fundit, ngriti dyshimet se ai që njihej si “i fort ii Shkodrës” ishte përgatitur për një përplasje me armë me grupin e djemve që ishin konfliktuar me djalin e tij. gëzhoja nga ana tjetër tregon se 46 vjecari vetë ka mundur të qëllojë vetëm një herë. Ngjarja ndodhi 28 nëtorin e 2020-tës. Për këtë vrasje, vec Hydajet Mehmedajt, policia shpalli në kërkim edhe vëllain e tij, Duel Mehmedaj ndërsa Mikljor Gjoka, i dyshuar si bashkëpunëtor, u prangos që në ditën kur u krye ekzekutimi. Vrasja në zonën e Dajçit u filmua nga kamerat e sigurisë së një karburanti, ndërsa dy punonjës u kthyen në dëshmitarë okulatë të asaj cfarë ndodhi. Arrestimi i 34 vjecarit u bë pas disa informacioneve të marra dhe lokalizimit të tij në një bar-kafe në fshatin Mushan në Shkodër.