Një 22 vjeçar shqiptar i arratisur u gjet dhe u arrestua nga policia italiane për një numër të konsiderueshëm vjedhjes në apartamente dhe në vila, në 7 qytete italiane. Hetuesit ishin vënë në kërkim të tij prej disa muajsh dhe arritën të bënin lokalizimin e tij në në Dalmine, në provincën e Bergamos. Policia arriti me durim duke ndjekur të dashurën e tij e cila, me gjithë masat paraprake, i çoi padashur drejt vendit ku ishte fshehur 22 vjeçari, shkruan “Il Giorno”. Para tij, karabinierët kishin prangosur dy bashkëpunëtorë të tij në muajin gusht, përkatësisht një 24 vjeçar shqiptar, i cili u strehua në Robbiate dhe një 33-vjeçar i cili ishte në vend në burg në Lodi. Në atë periudhë, 22 vjeçari arriti t’i shpëtonte operacionit në minutën e fundit. Policia arriti t’i identifikonte edhe falë përgjimeve. “Është më mirë të mos hyni më në shtëpitë e italianëve rrezikojmë të infektohemi me koronavirus…”, u dëgjuan të thoshin në një bisedë telefonike të përgjuar nga karabinierët.