Policia e Korçës ka goditur një rast të shpërndarjes së lëndëve narkotike, nga ku janë arrestuar 3 persona. Në pranga kanë përfunduar Zini Çiço, 55 vjeç, bashkëshortja e tij Juliana, 43 vjeçe, dhe Olger Shullëri, 36 vjeç, ky i fundit me precedentë të mëparshëm penal për të njëjtën vepër. Operacioni i koduar Next është zhvillua në lagjen nr. 4 të qytetit, ku gjatë një kontrolli në automjetin që drejtohej nga Shullëri dhe pasagjer ka qene Zini Çiçon, agjentet zbuluan nje sasi kokaine te ndarë në doza si dhe nje shume monetare, te cilat mendohet se jane vendosur si pasoje e ketij aktiviteti kriminal. Kontrollet vijuan edhe në banesat e të ndaluarve, ku agjentët gjetën dhjetëra doza kokaine të gatshme për shitje dhe dy peshore elektronike të përdorura për ndarjen e lëndës narkotike. Po ashtu, në ambientet e një paruketie në pronësi të Juliana Çiços, hetuesit zbuluan një sasi kanabisi, te ndarë në doza. Si rezultat i këtij operacioni jane sekuestruar dy automjete, tre aparate celularë dhe një shumë e konsiderueshme parash.