Forcat Renea kanë prangosur trurin e fisit të Capjave, Ardian Capjan ndërsa kanë shpallur në kërkim vëllain e tij Florencin, që të dy të dyshuar për vrasjen e Gentian Beqirit dhe të atit, Nezirit. 53 vjecari u arrestua gjatë operacionit të koduar "Krasta 2021" në Elbasan. Një person me precedent të theksuar kriminale, 53 vjecarit në momentin e arrestimit iu gjet dhe një armë zjarri. Mendohet se ndalimi i tij është bërë pas rrëfimit të një të penduarit të drejtësisë, Ervis Bardhi. Gentian Beqiri, i njohur ndryshe edhe si Ardian Meta u ekzekutua 15 gushtin e 2012-tës në lagjen “Çlirimi” në Elbasan së bashku me të atin, Nezirin. Në momentin e vrasjes, Gentiani ishte në shtëpi sepse i ishte caktuar masa e sigurisë “Arrest në shtëpi”. Beqiri ka qenë i implikuar në vrasjen e biznesmenit Sokol Çapja, në vitin 2005, vëllai i ardian capjas. Beqiri ruhej nga efektivë policie, por autorët përdorën mikun e tij të fëmijrëise, Etien Canin për të hyrë brenda. Ervis Bardhi dyshohet se bashkëpunoi me Canin. Beqiri u qëllua me 4 plumba me një arme me silenciator ndërsa i ati u dhunua barbarisht e ndërroi jetë edhe për shkak të një infarkti. Vrasja ishte vazhdë e një hasmërie të gjatë mes dy fiseve në këtë qytet, që ka bërë disa viktima, përfshirë dhe vëllain e gentianin, Saimir Beqiri, i cili u qëllua për vdekje prillin e 2016-tes.