Tre shtetas shqiptarë, 48, 38 dhe 36 vjeç, janë arrestuar në Itali, nën dyshimin për përfshirje në 20 vjedhje në banesa, të kryera mes muajve janar dhe prill 2026 në provincat e Ankonës, Maceratës dhe Fermos. Sipas hetimeve, ata dyshohet se hynin në banesa gjatë natës, ndërsa familjet ishin në gjumë, dhe vidhnin para dhe sende me vlerë. Për të tre, gjykata ka caktuar masën e “Arrestit shtëpiak” me byzylyk elektronik. Sipas hetimeve të karabinierëve të Osimos, nën drejtimin e Prokurorisë së Ankonës, grupi dyshohet se është përfshirë në 20 episode kriminale, mes tyre 16 vjedhje të realizuara dhe tri tentativa. Sipas mediave italiane, më 14 prill, karabinierët I ndaluan të tre shtetasit në një automjet pranë daljes së autostradës në Loreto. Gjatë kontrollit, atyre iu gjetën një unazë martese, një kapëse floriri për kartëmonedha dhe 2.090 euro cash. Sipas autoriteteve, sendet dhe paratë dyshohet se vinin nga një banesë e grabitur pak më parë.