Një 38-vjeçar ëhstë arrestuar nga blutë e Tiranës, pasi është kapur duke qarkulluar me armë zjarri pistoletë dhe lëndë narkotike brenda automjetit që drejtonte. Sakaq në pranga ka rënë dhe pasagjeri në këtë automjet, për moskallëzim krimi. Aksioni i policisë u zhvillua në rrugën “Ali Demi”, ku shërbimet e Komisariatit të Policisë Nr. 1 ndaluan një automjet. Gjatë kontrollit të ushtruar mbi mjetin dhe më pas në banesën e drejtuesit, u gjetën dhe sekuestruan një armë zjarri pistoletë, municion luftarak, 304 gram kokainë, 131 tableta ekstazi, tre peshore elektronike dhe pjesë armësh. Në përfundim të veprimeve hetimore, u arrestuan në flagrance shoferi i mjetit për veprat penale “Prodhimi dhe mbajtja pa leje e armëve, armëve shpërthyese dhe municionit” dhe “Prodhimi dhe shitja e narkotikëve”, si dhe pasagjeri për veprën penale “Moskallëzimi i krimit”.