Pesë persona janë vënë në prangat e policisë dhe një tjetër është shpallur në kërkim në Durrës, pas finalizimit të operacionit të koduar “Laboratori”. Mësohet se 5 të rinjtë janë arrestuar pasi pajisnin udhëtarët me teste të shpejta për COVID-19, pa qenë të licencuar. Operacioni u zhvillua nga Seksioni i Hetimit të Krimit Ekonomik dhe Financiar në DVP Durrës. Janë arrestuar shtetasja E.H., 34 vjeçe, një 24 vjeçar dhe një 29 vjeçar për veprat penale "Fshehja e të ardhurave" dhe "Mashtrimi". Gjithashtu janë arrestuar edhe një 24 e një 25 vjeçare, të akuzuara për "Moskallëzim krimi".