Presidenti i vendit, Ilir Meta, nga Vlora ka reaguar për arrestimin e gjyqtares së Krujës, Enkelejda Hoxha. Meta tha se nuk ka nevojë për drejtësi me regji, pasi e rëndësishme është që çdo njeri që shkel ligjin dhe abuzon me detyrën të ndëshkohet. “Për mua është e rëndësishme që çdo njeri që shkel Kushtetutën, që shkel ligjin, që abuzon me detyrën të ndëshkohet. Shqipëria nuk ka nevojë për drejtësi me regji, ndërkohë që në SPAK janë prej kohësh edhe kallëzimet e provat edhe për gjyqtarë të tjerë të nivelit më të lartë. Unë jam në këtë detyrë për të mbrojtur Kushtetutën, pluralizmin politik, për të mbrojtur zgjedhjet e lira dhe të ndershme” Duke u ndalur te zgjedhjet parlamentare të 25 prillit kreu i shtetit tha se fuqia e shqiptarë eshtë vota e tyre dhe vullnetin duhet ta shprehin përmes saj “Çdo njeri duhet të dijë se fuqia e shqiptarëve është vota e tyre dhe askush nuk mund të ankohet ndaj qeverisë nëse nuk shpreh vullnetin e tij. Kjo është detyra ime dhe do ta bëj me bindje të plotë. Jam i sigurt se 25 prilli do të jetë ditë e rëndësishme dhe jo e zakonshme”. Presidenti Ilir Meta ka folur edhe për situatën e pandemisë në vend duke pohuar se qeveria nuk ka investuar sa duhet për të mbështetur spitalet dhe personelin mjeksor që është në kontakt të drejpërdrejtë pacientët e sëmurë me covid 19. Sipas tij pwr menaxhimin e situatws mungone transparenca nga qeveria.