Kryeministri i Kosovës, Avdullah Hoti zhvilloi një takim virtual me Presidentin e Francës, Emmanuel Macron ku u diskutua mbi situatën e krijuar pas ngritjes së aktakuzave të para nga Dhomat e Specializuara të Kosovës si dhe procesin e liberalizimit të vizave për Kosovën. Në njoftimin e zyrës së kryeministrit Hoti, thuhet se Macron ka vlerësuar reagimin institucional dhe të qytetarëve të Kosovës pas arrestimit të ish-krerëve të UÇK-së. Ndërkohë sa i takon procesit të liberalizimit të vizave për Kosovën, në njoftim thuhet se Kryeministri Hoti dhe Presidenti Macron ranw dakort qw gjatw ditëve në vijim, si pjesë e mekanizmave për verifikim, të zhvillohen takime në nivel ekspertësh, tw cilat do të pasohen me njw takim në nivel politik ndwrmjet ministrave të brendshëm të të dyja vendeve”. dy liderwt kanw diskutuar gjithashtu edhe për procesin e dialogut Kosovë-Serbi, për arritjen e marrëveshjes përfundimtare, me njohe reciproke, në kufijtë aktualë. Ata u pajtuan që të organizohet edhe një takim i nivelit të lartë rreth ecurisë së procesit të dialogut. Zyra e kryeministrit Hoti njoftoi se presidenti Macron, i është përgjigjur pozitivisht ftesës së tij për vizituar Kosovën. Pamjet: AFP