Top News- Armë hi-tech dhe personel trajnues / Britania, trupa në Ukrainë, Gjermania ‘mbyll’ qiellin

Britania e Madhe ka nisur të hënën në mbrëmje trupa dhe armë hi-tech në Ukrainë, në një përpjekje për të zbrapsur një pushtim të mundshëm rus. Në një sinjal të qartë drejtuar Vladimir Putinit, dy transportues të forcave mbretërore ajrore, dërguan sistemet raketore shumë të nevojshme për forcat e Kievit. Trupat që ishin në bord të avionëve do të qëndrojnë në Ukrainë për ti mësuar homologëve të tyre se si duhet ti luftojnë tanket ruse. Sekretari britanik i mbrojtjes, Ben Uollace tha se dislokimi vjen si pasojë e sjelljes gjithnjë e më kërcënuese nga rusia. Afro 100 mijë trupa ruse janë vendosur përgjatë kufirit, cka ndez frikën se një pushtim mund të pritet pas pak ditësh... Kremlini insiston se nuk ka plane të sulmojë, por grumbullimi i trupave, tankeve dhe artilierisë, sugjeron të kundërtën. Duke paralajmëruar Putinin për atë që mund të rezultojë në një luftë shumë, shumë të përgjakshme, Uollace i tha deputetëve se britania po i ofron një paketë të re sigurie ukrainës që ka si qëllim rritjen e kapaciteteve mbrojtëse të saj. Sidoqoftë, Gjermania nuk ka lëvizur nga pozicioni i saj, i refuzimit të pajisjes së Ukrainës me armë. Në një vizitë në Kiev, ministrja e jashtme gjermane, annalena Baerbock tha se cdo përshkallëzim i mëtejshëm do të kishte një cmim të rëndë për rusinë në sferën ekonomike, politike dhe atë strategjike. E ndërkohë që Bundestagu gjerman vazhdon të kundërshtojë përfshirjen, të dhënat e gjurmimit të fluturimeve tregojnë se avionët britanikë të nisur drejt ukrainës me armatime, kanë evituar hapësirën ajrore gjermane.