Pasi zgjidhi gojën në këmbim të një dënimi të reduktuar, Antonio Panzeri, ka zbuluar sekretet e të ashtuquajturit Qatargate, madje edhe ata më shokues. Një vit në burg në vend të pesë viteve, kanë bërë që ish eurodeputeti i partisë demokratike në itali, të zbulojë gjithcka, e madje edhe mënyrën se si i përdorte paratë e shumta që përfundonin në xhepat e tij. “Kisha aq shumë para – i ka thënë ai hetuesve belgë gjatë seancave të marrjes në pyetje, sa që nuk dija cfarë të bëja me to. Ndonjëherë ndodhte që i hidhja paratë në koshin e mbeturinave”. Politikani i krahut të majtë, u kap me një valixhe plot me kartmonedha, rezultat i ryshfeteve të marra nga Maroku, Katari dhe Mauritania, është tani një libër i hapur. Panzeri thotë se nuk dinte ku ti mbante paratë dhe cfarë të bënte me to. Televizioni publik gjerman ka zbuluar dëshmitë e tij. Rrjedha e karmonedhave nisi sipas rrëfimeve që në 2014-ën, por thasët me para nisën të mbërrinin vetëm vitin e kaluar. Panzeri dhe asistenti i tij Francesco Giorgi, partner i ish zëvendëspresidentes së parlamentit evropian, Eva Kaili, kishin hyrë në marrëveshje të paligjshme me marokun dhe mauritaninë; para për vota pro në BE. Por rregullat e lojës ndryshuan ndjeshëm me Katarin. Bashkimi me vendin në gadishullin arabik, i solli panzerit dhe Giorgit një milionë euro secilit për vitin 2018 dhe 2019. Shumë para, të cilat ishte e vështirë edhe të fshiheshin. Një sasi madje aq e rrezikshme sa që panzeri hidhte në kosh paratë që i tepronin.