Gjykata e Apelit rrezikon të kthehet në jofunksionale. Trupat gjyqësore janë në shpërbërje për shkak të vettingut, duke bërë që pak a shumë kjo gjykatë të jetë në kolaps. Numri i gjyqtareve është ulur ndjeshëm. Aktualisht ushtrojnë detyrën 9 gjyqtarë, kur në organigramën e saj duhet që të jenë 31. Por edhe nga ata që janë në detyrë e kanë kaluar vettingun në Shkallë të Parë, por janë ankimuar nga Komisioneri Publik në Kolegjin e Posaçëm të Apelimit. Aktualisht në Apel mund të formohen vetëm 3 trupa gjykuese, por nëse do të vijojnë shkarkimet, atëherë kjo gjykatë do të dalë jashtë funksioni dhe mund të mos shqyrtohen as ankimet e vendimeve të dhëna nga Shkalla e Parë.