Roja bregdetare kanadeze ka evakuuar 16 persona nga një anije mallrash e përfshirë nga flakët që po nxjerr gazra toksikë pranë brigjeve të kanadasë në paqësor, por thotë se nuk ka rrezik sigurie për brigjet. Anija, zim Kongston, është ankoruar në qytetin e Viktorias në kolumbian britanike, në ngushticën e Juan de Fuca-s, që shënon edhe kufirin detar mes kanadasë dhe shteteve të bashkuara. Ajo ishte nisur për në Vankuver kur flakët shpërthyen, me zjarrin që u raportua tek roja bregdetare pasditen e të shtunës. Anija është në flakë dhe nxjerr gazra toksikë – tha roja bregdetare kanadeze në një paralajmërim. Më vonë, një deklaratë në tëitter bëri të ditur se 16 persona ishin evakuuar nga anija. Të dielën ndërkohë, roja bregdetare tha se një zonë emergjence rreth anijes ishte shtrirë në disa milje detare. Për shkak të natyrës së kimikateve në bordin e anijes, përdorimi direkt i ujit për të shuar flakët nuk është një opsion – thanë zyrtarët. Nuk është e qartë se cfarë e ka shkaktuar zjarrin. Roja bregdetare tha se anija mbante më shumë se 52 mijë kg kimikate të vendosura në dy konteinerë që tashmë janë përfshirë nga flakët.