Grupi i Partive Popullore Europiane ka dorëzuar sot një amendament për Rezolutën mbi Ballkanin Perëndimor, për të cilën diskutohet këtë javë në Parlamentin Europian. Rezoluta e hartuar nga eurodeputeti socialist kroat Tonino Picula është cilësuar e përgjithshme nga PPE-ja, e cila I mëshon idesë së 15 kushteve të vendosura nga Këshilli i BE-së për Shqipërinë. Kjo duket ka nxitur paraqitjen e një amendamenti të posacëm, me firmën e eurodeputetes, Kinga Gàl, raportere e PPE për këtë rezolute, si dhe me kërkese të reporterit për Shqipërinë, David Lega dhe dritën jeshile të koordinatorit Michael Gahler. Aty “ theksohen 15 kushtet e caktuara nga Këshilli i Bashkimit Europian që Shqipëria duhet të ketë përmbushur përpara thirrjes Konferencës Ndërqeveritare të parë me shtetet anëtare”. Shqetësimi i eurodeputetëve erdhi pasi në Këshillin Kombëtar të Integrimit nuk u përmendën 15 kushtet e BE-së e sidomos ato që lidhen me hetimin dhe dënimin e krimeve elektorale, anulimin e paketës anti-shpifje, nevojën për zgjedhje të lira e të ndershme si dhe anomalinë e pushtetit lokal. Deklarata nënvizon se kjo situatë se bie ndesh me nocionin baze të demokracisë pluraliste, ndërsa përsërit kushtin e BE dhe të Bundestagut që një gjë e tillë të sqarohet sa më parë. PPE pretendon që zgjedhjet e ardhshme parlamentare të mbahen së bashku me ato lokale dhe që marrëveshja e arritur për reformën zgjedhore, të implementohet sa më shpejt.