Top News – Aleati i Putinit kërkon fundin e luftës/ Lukashenko: ‘Paqe pa kushte’ mes Moskës e Kievit

Lideri autoritar i bjellorusisë dhe aleat i ngushtë i kremlinit, aleksander Lukashenko, kërkoi të premten ndalim të luftimeve në Ukrainë dhe bisedime pa parakushte mes Moskës dhe Kievit. “Ne duhet të ndalojmë tani para se një përshkallëzim i madh të nisë. Unë do të marr përsipër rrezikun e sugjerimit të fundit të luftimeve, një deklaratë armëpushimi...” tha Lukashenko gjatë një fjalimi para kombit të transmetuar live në televizion. “Të gjitha cështjet territoriale, të sigurisë, rindërtimit e të tjerë, duhet të zgjidhen në tryezën e negociatave, pa parakushte”, shtoi Lukashenko, i cili është në pushtet që nga 1994. Ai po ashtu tha se mbështetja e perëndimit për Kievin po rrit mundësinë e shpërthimit të një lufte bërthamore në Ukrainë.