Prej dy muajsh vendi ynë po përballet me një situatë të frikshme të zjarreve që kanë pushtuar sipërfaqe të tëra pyjesh e bimësi të ulëta. Shumica janë aktivizuar si pasojë e temperaturave të larta, por disa kanë qenë edhe të qëllimshme, për të cilat autoritetet policore kanë nisur hetimet për të gjetur autorët. Dhe pikërisht në këtë situatë të rënduar, Ministria e mbrotjes ka qenë aktive në informimin e situatës në vend, por edhe në terren me forcat zjarrfikëse dhe njësi të trupave ushtarake. Pasditen e së hënës, pas shumë orëve në operacion, Mnistria e Mbrojtjes bëri të të ditur se tre vatra ishin të rrezikshme në vend, për shkak të kushteve atmosferike, terrenit të vështirë, por edhe për shkak të erës. Për këtë arsye, forcat operacionale vepruan nga toka dhe ajri, por pa mundur të neutralizojnë flakët.