Kreu i Shërbimit Federal të Inteligjencës së Gjermanisë, Martin Jaeger, ka paralajmëruar se përballja me Rusinë ka hyrë në një fazë më të rrezikshme. Gjatë një seance publike në Bundestag, Jaeger deklaroi se Gjermania përballet me një rrezik në rritje për t’u përfshirë në një konflikt të dhunshëm me Moskën. Sipas tij, Rusia përbën aktualisht kërcënimin më të drejtpërdrejtë, të gjerë dhe konkret për vendin. Ai theksoi gjithashtu se shërbimet sekrete ruse po veprojnë me profesionalizëm të lartë dhe pa skrupuj, ndërsa paralajmëroi se rreziku për sulme ndaj objektivave në territorin gjerman mbetet real. Në të njëjtën kohë, Estonia po forcon praninë e saj ushtarake pranë kufirit me Rusinë. Një nga brigadat kryesore të ushtrisë pritet të zhvendoset drejt Jõhvi-t, rreth 50 kilometra nga kufiri rus. Tallini ka miratuar strategjinë e “mbrojtjes aktive”, ndërsa po ndërton edhe një bazë të re në Narvë dhe po rrit kapacitetet e goditjes me rreze të gjatë, përfshirë sistemet HIMARS dhe Chunmoo.