Gjykata e Fierit ka caktuar këtë të enjte masën e sigurisë “Arrest në burg” për mësuesin 60-vjeçar Madrid Sula, i arrestuar pak ditë më parë nga Policia e Lushnjës, nën dyshimin se ka ngacmuar seksualisht përmes mesazheve një nxënëse 13-vjeçare. Seanca gjyqësore u zhvillua me dyer të mbyllura, ndërsa gjykata vlerësoi të ligjshëm arrestimin në flagrancë të mësuesit. Ai u arrestua pas dënoncimit të të prindërve të një nxënëseje 13-vjeçare për mesazhe me përmbajtje erotike. Madrid Sula, nga fshati Thanasaj i Lushnjes dyshohet për veprat penale “Ngacmim seksual”, “Shpërdorim detyre” dhe “Pornografia”, të parashikuara nga Kodi Penal. Pas shqyrtimit të kërkesës së Prokurorisë dhe provave të paraqitura në seancë, Gjykata vendosi masën “Arrest në burg” për mësuesin 60-vjeçar. Vendimi mund të ankimohet në Gjykatën e Apelit të Juridiksionit të Përgjithshëm brenda 5 ditëve nga komunikimi i vendimit të arsyetuar.