Gjykata e Tiranës ka lënë në burg babë e bijë Mexhit Picari dhe Dhurata Saliaj, të akuzuar për vrasjen e Kudret Saliaj. Gjatë seancës për masën e sigurisë 52 vjeçari Mexhit Picari që qëlloi 5 herë me pistoletë mbi ish dhëndrin e tij duke i marrë jetën është shfaqur me kokën ulur para trupit gjykues. Në deklaratën e tij ai është përpjekur të shfajësojë vajzën Dhuratën, duke pohuar se ajo nuk ka lidhje me vrasjen. Ndërsa Dhurata Saliaj ka shpërthyer në lot pas vendimit të gjykatës që e la atë në burg, duke pohuar se nuk ishte në dijeni se babai i saj do vriste ish bashkëshortin, babanë e tre fëmijëve të saj. Mexhit Picari akuzohet si autor i vrasjes së Kudret Saliajt, ndërsa vajza e tij, ish-gruaja e viktimës akuzohet si bashkëpunëtore në krim. Në pamjet e publikuara së fundmi të marra nga kamerat e sigurisë pranë vendit të ngjarjes shihen babë e bijë që qëndrojnë duke parë në drejtim të lokalit ku ishte ulur viktima. Më pas Mexhit Picari dhe vajza e tij Dhurata Saliaj kanë shkuar në lokalin ku ishte ulur viktima dhe e kanë vëzhguar për rreth 20 minuta. Në pamje shihet teksa i ati zgjat dorën dhe merr armën e krimit nga çanta e saj dhe vetëm pak minuta më pas qëllon mbi Kudret Saliaj duke e lënë të vdekur dhe duke plagosur avokatin e tij mbrojtës, ish prokurorin Adriatk Cama. Autori i vrasjes dhe vajza e tij, kanë qenë në lokal në pritje të seancës gjyqësore për divorcing e ciftit. Situata e 32 vjecares Dhurata Saliaj rëndohet edhe nga dëshmia e dhënë grupit hetimor nga një taksist në zonën e Vasil Shantos. “Një vajzë e re rreth 30 apo 40 vjeçe ngriti dorën afër ‘Vasil Shantos’ dhe më kërkoi ta çoja deri në Vorë. Ajo foli në telefon dhe tha ‘Baba , bëhu gati ndërrohu, merr rrobat e punës se po vij me taksi’”, u shpreh taksisti. Pas krimit, kur Dhurata dhe i ati u larguan nga lokali ajo hodhi në kokë një kapuç të zi, dhe më pas, të dy babë e bijë u larguan me taksi të ndryshme. Hetimet pas ngjarjes zbuluan se Mexhit Picari ka gënjyer në dëshminë e tij në polici, ku dëshmoi se viktima Kudret Saliaj e ka ofenduar dhe për këtë arsye autori e ka qëlluar. Siç konfirmoi avokati adriatk Cama I mbetur I plagosur gjatë ngjarjes, një ditë para vrasjes, viktima ka pasur një debat të ashpër me ish bashkëshorten e tij Dhuratën dhe babain e saj që kishin shkuar për të marrë sendet e saj personale nga shtëpia e ciftit, pasi ajo prej 8 muajsh jetonte me prindrit. Gruaja e re është akuzuar më herët për dhunë në familje dhe ishte në arrest shpëpie prej disa muajsh.Të dyja palët, si viktima ashtu edhe ish vjehrri i tij që e vrau, kishin kërkuar urdhër mbrojteje për shkak të kërcënimeve që pretendonin se kishin ndaj njëri-tjetrit.