James Michael Tyler është ndarë nga jeta në moshën 59 vjecare. Aktori u bë i njohur në rolin e Gynterit, menaxherit të kafenesë Central Perk, në serinë televizive Friends. Bota e ka njohur si Gynter por për ata që e donin ai ishte një aktor, një muzikant dhe një bashkëshort – thotë agjenti i tij Toni Benson. Tyler u nda nga jeta në shtëpinë e tij në Los Angeles, për një kancer në prostatë që ishte diagnostikuar në 2018-ën. Tyler ishte shfaqur edhe në disa seri të tjera televizive në vitet 90 para se të zghjidhej si personazhi në sfond në disa episode të sezonit të parë të Friends, në 1994-ën. Më pas, ai u bë i ftuari më i shpeshtë në seri. Gynter nuk ishte vetëm pronari i Central Perk, lokalit në të cilin grupi mblidhej cdo ditë, por ishte edhe i dashuruar edhe pse ndjenja nuk ishte reciproke, me Rejcëllin, personazhin e interpretuar nga Jennifer Aniston.