Gjyqi për deputetin e Partisë Demokratike, Ervin Salinji lidhur me çështjen “Babale” është caktuar të mbahet këtë të hënë, pas shtyrjes për shtatë herë radhazi të seancës gjyqësore. Në orën 13 e 30 minuta, deputeti demokrat Ervin Salinji do të paraqitet në ambjentet e gjykatës së apelit. Pak ditë më parë në Kuvend, demokrati u shfaq i pashqetësuar për vendimin gjyqësor. Në Apel, Salianji kundërshton dënimin me 1 vit burg, marrë në shkallën e parë si i pandehur i dosjes “Babale”. Të pandehurit e tjerë në këtë dosje janë Fredi Alizoti, Albert Veliu dhe Jetmir Olldashi, të cilët u fajësuan nga Shkalla e Parë e Tiranës në dhjetor 2019 për “kallëzim të rremë”.