Aksioni “Bregdeti ynë”, i paralajmëruar më herët nga kryeministri Edi Rama, ka vënë në pranga 5 shtetas për zënien e hapësirave publike dhe ndërtimeve të paligjshme. Mëngjesin e kësaj të shtune , ky aksion ka filluar në Kepin e Rodonit, ku u arrestua në flagrancë shtetasi Selim Alla, 43 vjeç banues në Ishëm të Durrësit. Autoritetet kanë konstatuar se ky shtetas ka ndërtuar një kompleks në pjesën e rërës së bregdetit pa lejen e organeve kompetente. Mbi 43 vjeçarin rëndon vepra penale e “Ndërtimit të paligjshëm” si dhe “ Pushtimi i Tokës” Krahas pronarit të kompleksit janë arrestuar edhe personat, të cilët janë kapur në flagrancë duke kryer puime të ndryshme në ambjentet e këtij kompleksi. Si rezultat janë vënë në pranga Elton Likmeta, 21 vjeç, Xhanfranko Bushi, 27 vjeç, banues më Ishëm, Durrës, Florenca Doka, 43 vjeç, banues në Lushnjë dhe Fatjon Manuka, 23 vjeç.