Policia ka arrestuar shoferin e automjetit qe aksidentoi në bulevardin “Dëshmorët e Kombit’, 3 të miturit që po udhëtonin me dy monopatina. Drejtuesi I automjetit akuzohet për shkelje të rregullave të qarkullimit rrugor. Sipas ekspertizës në vendngjarje, ka rezultuar se të miturit, të ndarë në 2 monopatina, kanë kaluar rrugën me semafor të kuq, ndërsa shoferi i makinës me semafor portokalli. Drejtuesi I makinës ka qenë duke ecur në korsinë e dedikuar të mjeteve të transportit publik, në momentin që ka ndodhur aksidenti. Dy nga të miturit, 9 dhe 11 vjeç kanë mbetur të lënduar në gjymtyre, ndërsa 11 vjeçari tjetër vijon të jetë në gjendje të rëndë, po në Spitalin e Truamës. Përdorimi I monopatinave është ngritur shpesh si shqetësim nga ana e uniformave blu, e cila shpesh ka marrë edhe aksione me gjobëvënie për ata që ecin në akset rrugore.