Një tjetër aksident është regjistruar këtë të enjte, ku për pasojë aktori I njohur I humorit Gazmend Paja ka mbetur I plagosur. Ngjargja ndodhi rreth orës 11:08 minuta në rrugën e Kavajës, në Tiranë. Burimet plicore bëjnë me dije se Paja ka qenë duke qarkulluar me motor, ndërsa është përplasur papritur me një automjet. Ai është dërguar menjëherë në spital dhe ndodhet nën kujdesin e mjekëve. Ndërkohë, grupi Hetimor është në vendngjarje dhe po punon për sqarimin e rrethanave të aksidentit. Kujtojmë se në orët e vona të mbrëmjes, një aksident tjetër i rëndë me dy viktima ndodhi në kryeqëzimin e 21-t te rruga e Kavajës. Një prej viktimave ishte Luan Cenollari, punonjës i policisë së shtetit. Përveç punës si punonjës i Forcave Operacionale të Burgjeve, Cenollari punonte natën si taksist për të përballuar koston e jetesës ndërsa ishte baba i dy fëmijëve. Ndërsa, viktima tjetër ishte pasagjer në makinën e tij. Autori i tragjeisë është tek spitali I traumës në gjendje të rëndë shëndetësore.