Rëndohet bilanci i aksidentit tragjik në aksin Fushë-Krujë-Milot, ku në orët e para të mëngjesit të së dielës, dy automjete u përplasën me njëri-tjetrin. 4 persona humbën jetën nga përplasja fatate, ndërsa 34 vjecarja Rudina Haka, e cila ishte e vetmja e mbijetuar, ndërroi jetë në spital, duke e cuar në 5 numrin e viktimave. Alfred Dika, 39 vjeç, Artan Alushi 30 vjeç, Shkumbin Brati, 20 vjeç dhe Almenia Karaj,16 vjeçe janë 4 viktimat e tjera të aksidentit fatal. Brati dhe Karaj ishin fejuar pak ditë më parëë, ndërsa 6 marsi shënoi fundin e fejesës, por edhe të jetës së tyre. Aksidenti ndodhi në afërsi të fshatit Borizanë në Fushë-Krujë, ndërsa shkak dyshohet të ketë qenë shpejtësia e madhe dhe lagështira në rrugë. Përplasja fatale u regjistrua rreth orës 00:15, të mbrëmjes në aksin rrugor Fushë Krujë-Milot. Aksidenti ishte aq i fortë sa është dashur ndërhyrja e zjarrfikësve për të nxjerrë trupat e pajetë. K yaks rrugor konsiderohet si një njollë e zezë, pasi edhe një vit më parë në të njëjtin vend ka ndodhur një tjetër aksident, po me 4 viktima.