Një aksident tragjik me pasojë vdekjen e një 2 vjecari u regjistrua në kryqëzimin e Fushë Kuqes, në Laç. Dy autommjete u përplasën me njëra tjetrën, në aksin rrugor dytësor Lac Fushë Kuqe, në vendin e quajtur Kryeëzimi i Fushë Kuqes. Për pasojë të lënduar mbetën 2 vjecari dhe prindërit e tij. Ata u dërguan për mjekim në spitalin e Lacit, por i mituri humbi jetën, ndërsa prindërit e tij po marrin mjekime. Pamjet që po ndiqni tregojnë automjetet e bëra copë nga përplasja e fortë. Të lënduar mbetën Albi dhe Imelda Rexhepi. Autori i aksidentit Endri Toma është shoqëruar në komisariat, ku do të merret në pyetje nga ana e policisë, për të kuptuar shkakun e aksidentit. Paraprakisht dyshohet se shkak për aksidentn fatal, është bërë shpejtësia tej normave të lejuara nga ana e njërit prej drejtuesve, por nuk përjashtohet opsioni i parakalimit në sens të kundërt. Policia po punon për zbardhjen e plotë të ngjarjes.